O Centro de Interpretación do Pico Sacro (Cachosenande, Lestedo) acollerá o obradoiro dixital gratuíto “Conecta cos teus clientes a través das Redes Sociais”. Terá lugar o venres 15 de novembro, ás 20:00 horas, organizado pola Oficina Acelera Pyme en colaboración co Concello de Boqueixón e a Deputación da Coruña.

A iniciativa está especialmente dirixida a persoas autónomas, emprendedoras e pequenas e medianas empresas interesadas en poñer en marcha estratexias promocionais das súas empresas a través das distintas redes sociais.

A participación é totalmente de balde, previa inscrición no 981 513 061 ou en emprego@boqueixon.com. O obradoiro dixital terá lugar entre as 20:00 e as 21:00 horas, rematando cun aperitivo networking.

Esta iniciativa está financiada polos fondos NextGenerationEU, dentro do Plan de Recuperación, Transformación e Resiliencia do Ministerio de Transformación Dixital, en colaboración con red.es e kit digital.