O Concello de Boqueixón, en colaboración coa Xunta de Galicia”, presenta o novo espectáculo da compañía Galitoon: “The Show Moscón”. Trátase dunha obra dirixida a un público familiar e que terá lugar nas instalacións do Forte o luns 31 de xullo, ás 10:00 horas.

“The Show Moscón” é un circo de monicreques ambulante de varietés presentado por un moscón gordo e rollizo. Un circo representado por un armario que abra as súas portas para amosar os distintos números que hai no seu interior:  divas da canción, absurdos números musicais, espeluznantes magos e mentalistas, incribles bebés equilibristas, números de danza, humor…

Este espectáculo é unha homenaxe de Galitón ás diferentes escolas e técnicas de manipulación de monicreques aprendidas ao longo dos últimos 15 anos e utilizadas nos seus distintos traballos.