O Concello de Boqueixón vén de publicar as listaxes provisionais para a cobertura dos seguintes postos: 2 peóns condutores forestais, 6 peóns forestais e 2 xefes de brigadas de prevención, vixilancia e defensa contra incendios forestais.

Tendo en conta as renuncias presentadas polos titulares provisionais de varias prazas nas convocatorias de peóns forestais e peóns forestais condutores de brigadas, e que non resultou posible a cobertura das prazas necesarias cos titulares e suplentes resultantes do proceso selectivo realizado para formar as 2 brigadas de prevención de incendios, mediante decreto de alcaldía de data 31 de xullo de 2019 resolveuse renunciar a unha das dúas brigadas conveniadas debido á imposibilidade de cubrir os postos necesarios para formar 2 brigadas operativas.

Os resultados provisionais quedan do seguinte xeito e pódense consultar nos arquivos adxuntos ou premendo na sección correspondente:

• Listaxe provisional para 2 peóns condutores forestais de brigadas de prevención, vixilancia e defensa contra incendios forestais.
• Listaxe provisional para 6 peóns forestais de brigadas de prevención, vixilancia e defensa contra incendios forestais.
• Listaxe provisional para 2 xefes de brigadas de prevención, vixilancia e defensa contra incendios forestais.