O Departamento de Servizos Sociais do Concello de Boqueixón organiza unha Conferencia sobre a Esclerose Lateral Amiotrófica (ELA), que terá lugar o próximo mércores 27 de xuño no Salón do Plenos da consistorio boqueixanés. Esta actividade conta coa colaboración da Asociación Galega de ELA (AGAELA) e é de carácter totalmente gratuíto.

Na sesión intervirán:

• Jessica Garabal, coordinadora de AGAELA
• Manuel Rodríguez, veciño afectado de ELA e vogal de AGAELA
• Cruz Anxemil, coidadora principal e cónxuxe de Manuel

A través das súas vivencias, preténdese achegar á poboación en xeral un coñecemento máis amplo sobre esta enfermidade. Dende o Departamento de Servizos Sociais animan a toda a veciñanza a asistir a esta charla.