O Concello de Boqueixón convoca unha nova edición dos seus cursos de inglés, que terán lugar de outubro a xuño no CPI Antonio Orza Couto. Uns cursos dirixidos a alumnado de Infantil, Primaria, Secundaria e mocidade a partir de 16 anos, grupos A2, B1 e B2.

Unha vez rematado o proceso de renovación de praza por parte do alumnado matriculado no curso actual, ata o vindeiro 20 de xuño estará aberto o prazo para novas matrículas.

Descarga aquí a Ficha de Inscrición, cúbrea e preséntaa preferentemente de forma telemática a través da sede electrónica municipal, se ben tamén se pode presentar de forma presencial por Rexistro na Casa do Concello.

Máis información no teléfono 981 513 115 ou no mail cultura@boqueixon.com.