O Concello de Boqueixón publica a listaxe definitiva de crianzas admitidas no servizo de conciliación Nadal Activo 2023-2024. Programa Plan Corresponsables. Non quedou ningunha solicitude sen atender e non se presentaron alegacións no período establecido, polo que a lista provisional de admisións quedou elevada a lista definitiva.

Nadal Activo é un programa lúdico-educativo que facilita a conciliación laboral e familiar nas vacacións de Nadal. Dirixido a alumnado de entre 3 e 16 anos, as actividades desenvolveranse nas instalacións municipais do Forte e no CPIP Antonio Orza Couto entre o 22 de decembro e o 5 de xaneiro, en horario de 9:00 a 14:00 horas.