O xurado do IX Concurso de Fotografía “Paisaxes de Boqueixón”, composto por Lorena González Vázquez (Lorena do Merlo, fotografía), Carlos Suárez González (Nós Comunicación), Dolores Fernández Iglesias (Fotoxornalista de Lindeiros.gal) e Rosario Iglesias Iglesias, técnica municipal de Cultura, con voz e sen voto, logo de comprobar o cumprimento dos requisitos de participación das fotografías presentadas ao concurso, proceden a puntuar individualmente cada unha delas tendo en conta os criterios de calidade técnica, composición, impacto visual, mensaxe transmitida, creatividade e dificultade.
E, de entre as 60 fotografías presentadas a concurso, acordan nomear como fotos gañadoras:
- “Mirador do Pico”, de Isaac Pérez Vázquez. 36 puntos. Ver foto.
- “Abrente no cumio do Pico Sacro”, de David Domínguez Gómez. 35 puntos. Ver foto.
- “Punto xeodésico”, de Isaac Pérez Vázquez. 34 puntos. Ver foto.
Os premios serán entregados polo alcalde de Boqueixón, Ovidio Rodeiro Tato, durante un acto que terá lugar este mércores 13 de decembro, ás 19:00 horas, no salón de plenos da casa do concello. Fallo do xurado.
