O xurado do VIII Concurso de Fotografía “Paisaxes de Boqueixón”, composto por Lorena González Vázquez (Lorena do Merlo, fotografía), Carlos Suárez González (Nós Comunicación), Dolores Fernández Iglesias (Fotoxornalista de Lindeiros.gal) e Rosario Iglesias Iglesias, técnica municipal de Cultura, con voz e sen voto, logo de comprobar o cumprimento dos requisitos de participación das fotografías presentadas ao concurso, proceden a puntuar individualmente cada unha delas tendo en conta os criterios de calidade técnica, composición, impacto visual, mensaxe transmitida, creatividade e dificultade. E acordan nomear como fotos gañadoras deste concurso :

1º premio. “As cores de Neira Vilas”, de Fernando Lueiro Balado. 73 puntos.

2º premio. “Amencer no Pico Sacro”, de Belén Iglesias Cajaraville. 64 puntos.

3º premio. “Noite no Pico”, de Elisabet López Carvalhais. 63 puntos.

Os premios serán entregados polo alcalde de Boqueixón, Manuel Fernández Munín, durante un acto que terá lugar este xoves 22 de decembro, ás 12:30 horas, na casa do concello.