O Concello de Boqueixón informa de que o servizo de conciliación Tardes Educativas e de Lecer comezará a impartirse a partir do vindeiro luns 12 de setembro. Un programa dirixido a nenos e nenas de idades comprendidas entre os 3 e os 12 anos e para os que está aínda aberto o prazo de inscrición.

As anotacións poden formalizarse de forma telemática (a través da sede do Concello de Boqueixón e adxuntando a documentación no apartado “Solicitude xeral”) ou de forma presencial, a través do rexistro. En ambos os dous casos, as fichas de inscricións están dispoñibles na web www.boqueixon.gal.