O Concello de Boqueixón informa de que unha unidade móbil da Axencia de Doazón de Órganos e Sangue visitará Boqueixón o martes 26 de abril. A unidade móbil estará diante do centro de saúde do Forte, en horario de 9:30 a 14:30 horas; e pola tarde estará diante da farmacia de Camporrapado, de 16:00 a 21:00 horas.

Lembra que tes ao teu dispor un teléfono gratuíto no que solicitar autocita para doar sangue dun xeito cómodo e seguro (900 100 828). Para doar só é preciso ter máis de 18 anos e pesar máis de 50 quilos. Ademais, hai que acudir almorzado e, como mínimo, 2 horas despois do xantar. Só será preciso presentar o DNI ou documento similar, se non se dispón da tarxeta de doador.