O Concello de Boqueixón organiza un Curso de Debuxo e Pintura e unha Aula de Teatro, que estarán operativos ao longo deste mes de outubro. O Curso de Debuxo e Pintura constará de dous grupos: un dirixido a nenos e nenas a partir de 8 anos de idade (que terán clase os mércores, de 15:30 a 17.30 horas na biblioteca municipal do Forte) e outro dirixido a persoas adultas (con día, horario e lugar pendentes de determinar).
En ambos os dous casos, o prezo é de 15 euros por mes (material non incluido). Máis información o Departamento de Cultura (918 513 115). Inscricións no Rexistro Municipal ou a través da sede electrónica do Concello (www.boqueixón,gal) utilizando a ficha de inscrición adxunta, que tamén se pode descargar premendo aquí.
Aula de Teatro
Así mesmo, o Concello de Boqueixón organiza unha Aula de Teatro dirixida a escolares de 5º e 6º de Primaria e Secundaria coa finalidade de potenciar o seu desenvolvemento intelectual, emocional e social (creatividade, espírito crítico, solución de problemas, autoestima, traballo en equipo, empatía…). O custo será de 20 euros e a data e o horario fixaranse de acordo coas persoas que estean interesadas en participar.
Máis información no Departamento de Educación e Cultura. Inscricións no Rexistro Municipal ou a través da sede electrónica do Concello (www.boqueixón,gal) utilizando a ficha de inscrición adxunta, que tamén se pode descargar premendo aquí.
