O Concello de Boqueixón organiza unha xornada informativa sobre cooperativismo, de 3 horas de duración, que terá lugar nunha data por determinar do vindeiro mes de setembro na Casa Consistorial, en horario de tarde. Unha xornada aberta á participación de calquera persoa interesada que se inscriba antes do 5 de setembro no Departamento de Emprego: emprego@boqueixon.gal ou no 981 513 061.

A xornada, organizada en colaboración coa Consellería de Economía, Emprego e Industria, ten como obxectivo a divulgación da fórmula empresarial cooperativa entre a veciñanza, ao tempo que se lles informa sobre as axudas e subvencións dispoñibles para a creación de cooperativas.