O Concello de Boqueixón vén de facer público o nomeamento da comisión seleccionadora e datas para a realización do proceso selectivo do Programa de Integración Laboral da Deputación da Coruña. Na resolución adxunta (á que se pode acceder directamente premendo aquí), pódense consultar os nomes dos/das candidatos/as remitidos pola Oficina Pública de Emprego de Galicia. As probas realizaranse para seleccionar ás persoas axeitadas para cubrir os 4 postos de peóns de obras públicas.

Dende a Oficina Pública de Emprego de Santiago Norte remitiuse unha carta os/as candidatos/as preseleccionados/as para que se presenten no concello para a realización da proba escrita e práctica e presentar a documentación necesaria para participar no proceso selectivo, e así mesmo facilitar o listado co e-mail e cos números de teléfono dos candidatos/as para que o concello contacte cos/as candidatos/as para informarlle do proceso de selección, lugar e datas de presentación das/as candidatos/as.

As datas son as seguintes e pódense consultar no decreto de alcaldía adxunto

Para realizar a proba escrita:
Data: 22 de xuño de 2018
Hora: 10:00 horas
Lugar: Casa do Concello de Boqueixón, lugar de O Forte s/n, 15881 Boqueixón (A Coruña)

Para realizar a proba práctica:
Data: 22 de xuño de 2018
Hora: 11:00 horas
Lugar: Casa do Concello de Boqueixón, lugar de O Forte s/n, 15881 Boqueixón (A Coruña)