Onte pola tarde tivo lugar no Concello unha charla informativa a coidadores de persoas en situación de dependencia. Miguel Gallego (xeriatra) deulles ás nosas familias algúns consellos e orientacións para levar, do mellor xeito posible, a tarefa de coidar aos nosos. Lembrounos a importancia de dispoñer de tempo para nós (aínda que sexa pouco), de falar e exteriorizar as nosas preocupacións e dúbidas respecto ao coidado e, sobre todo, de manter (aínda que ás veces sexa difícil) o sentido do humor.