Este contrato de colaboración en actividades de interese social, ten por obxecto a axuda económica ás familias desfavorecidas do Concello de Boqueixón para a compra do material escolar que precisen os nenos e nenas que se atopen en idade de escolarización, desde libros ata a roupa e calzado necesario para a correcta integración dos rapaces no curso escolar. Será o Departamento de Servizos Sociais o que valore e propoña ás familias que serán beneficiarias das axudas correspondentes. A empresa fixo unha entrega de 3.000 € para este concepto.