Dado o éxito do programa Deseñando o teu futuro, que se está a desenvolver no Concello de Boqueixón, máis o entusiasmo amosado polos mozos e mozas  e polas empresas participantes,  o programa fai un esforzo máis e abre un novo prazo de inscricións para aumentar a cantidade de participantes que desexan coñecer a súa vocación laboral a través das estadías- visitas  que se desenvolven coas empresas conveniadas.

 Se eres un mozo ou moza de Boqueixón e:

– resúltache difícil resolver estas cuestións: “Necesito planificar o miña traxectoria profesional e non sei que estudar!” “Teño moi poucas ideas sobre as ocupacións nas que podo encaixar!” “Faltame seguridade sobre o que unha persoa como eu podería facer! “,

– tes entre 14 e 18 anos,

– desexas coñecer a realidade dunha profesión, ocupación ou oficio para descubrir a túa verdadeira vocación.

 ¡Esta é a túa oportunidade de formar parte de Deseñando o teu futuro!

Poderás realizar a estadía visita entre 5 e 15 días, mínimo 4 horas diarias na empresa conveniada e vinculada á profesión, ocupación u oficio que queres coñecer. Ademais terás unha compensación económica de 6 euros día subvencionada a través da Dirección Xeral de Xuventude e Voluntariado.

 Para máis información podes contactar no 981513061 na OMIX, Departamento de Formación e Emprego do Concello de Boqueixón.